नेपाल भलिबल लिगका ६ फ्रेन्चाइजको मुख्य प्रशिक्षक घोषणा

काठमाडौं । नेपाल भलिबल लिग एनभीएलको पहिलो संस्करणमा सहभागी हुने सबै ६ फ्रेन्चाइज टोलीका मुख्य प्रशिक्षकको घोषणा गरिएको छ ।

काठमाडौंस्थित होटल क्राउन इम्पेरियलमा शनिबार आयोजित कार्यक्रममा नेपाल भलिबल संघको समन्वय तथा नेपाल भलिबल लिगको नियमावलीअनुसार प्रशिक्षक छनोट गरिएको बताईएको छ ।

आयोजकका अनुसार प्रशिक्षक बाँडफाँड प्रक्रिया निष्पक्ष, पारदर्शी र आपसी सहमतिका आधारमा सम्पन्न भएको छ । कार्यक्रममा सहभागी सबै फ्रेन्चाइज टोलीका आधिकारिक प्रतिनिधिहरूले बाँडफाँड प्रक्रियाप्रति पूर्ण सहमति जनाउँदै निर्णयमा हस्ताक्षर गरेका छन्।

पहिलो संस्करणको नेपाल भलिबल लिगमा सगरमाथा स्म्यासर्सको मुख्य प्रशिक्षकमा उत्सव खड्का नियुक्त भएका छन्। मधेश वारियर्सको जिम्मेवारी भारत यादवले पाएका छन् भने काठमाडौं रेड्सको मुख्य प्रशिक्षकमा निपा बहादुर बिके चयन भएका छन्।

त्यस्तै, अन्नपूर्ण स्पाइकर किंग्सको मुख्य प्रशिक्षकमा रमेश केसी, कर्णाली शिवराजको मुख्य प्रशिक्षकमा चन्द्रबहादुर कुँवर र खप्तड फाल्कन्सको मुख्य प्रशिक्षकमा रुपेश कुमार बिष्ट नियुक्त भएका छन्।

फ्रेन्चाइज र मुख्य प्रशिक्षक

१) सगरमाथा स्म्यासर्स – उत्सव खड्का

२) मधेश वारियर्स – भारत यादव

३) काठमाडौं रेड्स – निपा बहादुर बिके

४) अन्नपूर्ण स्पाइकर किंग्स – रमेश केसी

५) कर्णाली शिवराज – चन्द्रबहादुर कुँवर

६) खप्तड फाल्कन्स – रुपेश कुमार बिष्ट

नेपालको घरेलु भबिललमा पहिलो पटक पुरुष फ्रेन्चाईज प्रतियोगिताको सुरुवात हुदैछ ।