२०२३ पारा–एथलेटिक्स च्याम्पियनसिप पेरिसमा 

काठमाडौं । फ्रान्सले २०२३ विश्व पारा–एथलेटिक्स च्याम्पियनसिप पेरिसमा २०२३ को जुलाईमा गर्ने भएको छ । 

सन् २०२४ मा हुने पेरिस पारा–ओलम्पिक गेम्सको एक वर्ष अगाडी च्याम्पियनसिप आयोजना गर्ने भएको हो । 

पेरिसले पहिलो पटक पारा–एथलेटिक्स च्याम्पियनसिप आयोजना गर्न लागेको हो । 

११ औं संस्करणको च्याम्पियनसिप चार्लेटी स्टेडियममा हुनेछ । 

फ्रान्सले सन् २००२ मा लिल÷भिलेन्यूभ डि‘आस्क र सन् २०१३ मा लायनमा च्याम्पियनसिपको आयोजना गरेको थियो । 

नवौं संस्करण भने सन् २०१९ युनाईटेड अरब इमिरेट्सको दुबईमा भएको थियो । 

च्याम्पियनसिपको १० औं संस्करण जापानको कोबेमा २०२२ को अगस्ट २६ देखि सेप्टेम्बर ४ सम्म हुनेछ ।