लुम्बिनी ‘बी’ पाँचौं साइपाल थ्री अन थ्री बास्केटबल प्रतियोगिताको गल्र्सतर्फ आइतबार फाइनलमा प्रवेश गरेको छ ।
साइपाल एकेडेमीद्वारा आयोजित प्रतियोगिताको पहिलो सेमिफाइनलमा लुम्बिनी ‘बी’ ले स्वप्नवाटिकालाई १३–१२ को साँघुरो अन्तरले पराजित गर्यो । फाइनलमा लुम्बिनी ‘बी’ ले द ग्रेट माया ‘बी’ र बिग बलर्सबीच हुने दोश्रो सेमिफाइनलको विजेतासँग प्रतिस्पर्धा गर्नेछ ।
ग्रेट माया ‘बी’ ले ईडेन ब्रिज एकेडेमीलाई १२–१० तथा बिग बलर्सले लुम्बिनी ‘ए’ लाई १५–१३ ले हराएका थिए ।
ब्वाइजतर्फ ग्रेट माया ‘ए’, लर्ड बुद्ध ‘ए’, हेराल्ड र ग्रिनफिल्ड यसअघि नै सेमिफाइनलमा पुगिसकेका छन् । प्रतियोगिता सोमबार सम्पन्न हुनेछ ।
