सिटीको संघर्षपूर्ण जित

काठमाडौं। म्यानचेस्टर सिटीले इङ्लिस प्रिमियर लिगको नयाँ सिजनको पहिलो खेलमा बोर्नमाउथविरुद्ध संघर्षपूर्ण जित निकाल्दै तीन अंक जोडेको छ। सिटीले दुई गोल खेलको अन्तिम ६ मिनेटमा गर्दै २–१ को रोमाञ्चक जित हासिल गरेको हो।

बोर्नमाउथका जेम्स टाभर्नियरले खेलको २६औं मिनेटमा गोल गर्दै आफ्नो टोलीलाई अग्रता दिलाएका थिए। त्यसपछि सिटीले लगातार दबाब बनाए पनि निर्धारित समयसम्म बराबरी गोल गर्न सकेन।

तर‚ खेलको ८४औं मिनेटमा मार्क गुएहीले कर्नरबाट आएको बललाई हेडमार्फत गोल गर्दै सिटीलाई खेलमा फर्काए। त्यसपछि इन्जुरी समयको दोस्रो मिनेटमा रियान चेर्कीले दिएको उत्कृष्ट पासमा जोस्को ग्वार्डियोलले गोल गर्दै सिटीलाई २–१ को अग्रता दिलाए।

उक्त गोलमा लामो समयसम्म भीएआर जाँच भए पनि अन्ततः गोललाई मान्यता दिइयो। यससँगै एनजो मारेस्काको नेतृत्वमा सिटीले प्रिमियर लिगको पहिलो खेलमा कठिन तर महत्त्वपूर्ण जित दर्ता गरेको छ।