पहिलो खेलमै टोटनहम पराजित

काठमाडौं। इङ्लिस प्रिमियर लिगको नयाँ सिजन सुरु भएको पहिलो खेलमै टोटनहमलाई ठूलो धक्का लागेको छ।

दिनको अन्तिम खेलमा ब्रेन्टफोर्डसँग टोटनहम ३–० ले पराजित भएको हो। यस समरको ट्रान्सफर बजारमा करिब ३० करोड अमेरिकी डलर खर्च गरेर नयाँ खेलाडी भित्र्याएको टोटनहमले ठूलो अपेक्षा जगाएको थियो। तर‚ ब्रेन्टफोर्डविरुद्ध टोली पूर्ण रूपमा दबाबमा रह्यो।

इटालीका मिडफिल्डर सान्ड्रो टोनाली न्युक्यासलबाट कीर्तिमानी १३ करोड ३० लाख डलरमा टोटनहम पुगेका खेलाडीमध्ये एक हुन्। तर‚ टोनालीसहितको टोटनहम टोलीले ब्रेन्टफोर्डको व्यवस्थित खेललाई रोक्न सकेन।

ब्रेन्टफोर्डका केन लुइस-पोटर र भिटाली यानेल्टले ३३ मिनेटभित्र नजिकैबाट गोल गर्दै घरेलु टोलीलाई २–० को अग्रता दिलाए। दोस्रो हाफ सुरु भएको केही समयमै माइकल कायेाडेले तेस्रो गोल थपे।

ब्रेन्टफोर्डका गत सिजनका सर्वाधिक गोलकर्ता इगोर थियागोले पेनाल्टीबाट गोल गर्ने अवसर पाए पनि उनको प्रहार पोस्टमा लाग्यो। त्यसपछि थप गोल हुन नसके पनि ब्रेन्टफोर्डले प्रभावशाली ३–० को जित दर्ता गर्‍यो।