ब्याकस्ट्रोकमा स्वर्ण जित्न चुकिन् गौरिका

काठमाडौं । १३ औं दक्षिण एसियाली खेलकुद (साग) अन्तर्गत पौडीमा गौरिका सिंहले रजत जितेकी छिन् ।

सातदोबाटोस्थित पौडी पोखरीमा आइतबार गौरिकाले ५० मिटर ब्याकस्ट्रोकमा रजत जितेकी हुन् ।

गौरिकाले आइतबार नै ४ मिटर फ्रिस्टाइलमा स्वर्ण जितेकी थिइन् ।

यस्तै महिला ८ सय मिटर फ्रिस्टाइल टिममा नेपालले कास्य जितेको छ । गौरिकासहित टिशा शाक्य, अनुशिया तन्डुकार र डुवाना लामा रहेको नेपाली टिमले ९ मिनेट ३.०४ सेकेण्डको समय निकाल्दै कास्य जितेका हुन् । यो नेपालको राष्ट्रिय कीर्तिमान समेत हो ।

यस स्पर्धामा भारतले स्वर्ण जित्दा श्रीलंकाले कास्य जित्यो ।