काठमाडौं । १३ औं दक्षिण एसियाली खेलकुद (साग) अन्तर्गत पौडीमा गौरिका सिंहले रजत पदक जितेकी छिन् ।
सातदोबाटोस्थित पौडी पोखरीमा शनिबार १०० मिटर ब्याकस्ट्रोकमा गौरिकाले राष्ट्रिय कीर्तिमानसहित रजत जितेकी हुन् ।
गौरिकाले यस अघि २ सय मिटर ब्याकस्ट्रोक र २०० मिटर फ्रिस्टाईलमा स्वर्ण जितेकी थिइन् ।
गौरिकाले १ मिनेट ३.१५ सेकेण्डको समय निकालिन् । यस स्पर्धामा १ मिनेट २.३५ मिनेटको समय निकाल्दै भारतकी मन्ना राजिब पटेलले स्वर्ण जितिन् ।
भारतकी रिधिमाले १ मिनेट ५.७२ सेकेण्डसहित कास्य जितिन् ।
