काठमाडौं । सीसीआरसी र साइपाल एकेडेमीले मोर्गन कप अन्तरकलेज बास्केटबल प्रतियोगिताको उपाधि सोमबार जितेका छन् ।
सीसीआरसी ब्वाइज तथा साइपाल गल्र्सतर्फ च्याम्पियन भएका हुन् । ब्वाइज फाइनलमा सीसीआरसीले टाइम्सलाई ६६–६२ ले पराजित गर्यो । निर्धारित समयको खेल ५४–५४ को बराबरीमा सकिएको थियो । थप गरिएको ४ मिनेटमा सीसीआरसीले अग्रता लिदै उपाधि सुनिश्चित गरेको हो । सीसीआरसीका पवन खत्रीले ३२ अंक योगदान गरे ।
गल्र्सको उपाधि भिडन्तमा दृष्टि श्रेष्ठको १७ अंक सहयोगमा साइपालले आयोजक मोर्गन इन्टरनेसनल कलेजलाई ५२–३५ ले हरायो । ब्वाइज र गल्र्स दुवैमा फाइनलका सर्वाधिक स्कोरकर्ताद्वय पवन र दृष्टि ‘मोस्ट भेलुएबल प्लेयर’ घोषित भए ।
विजेतालाई काठमाडौं महानगरपालिका वडा नं. ३ का अध्यक्ष दीपक केसी, मोर्गनका अध्यक्ष कुलप्रसाद चापागाईं र मोर्गनका प्रिन्सिपल डा. दीपेन्द्र भण्डारीले एक कार्यक्रमबीच पुरस्कृत गरे ।
प्रतियोगिताको ब्वाइजमा १९ तथा गल्र्समा ६ टिम सहभागी थिए ।
