काठमाडौं । इलाइट स्पोट्सले प्रथम ललितपुर ४ युनिफाइट भर्सिटी फुटसल कपको उपाधि जितेको छ।
धोविघाट फुटसलमा शनिबार भएको फाइनलमा ढुकु फुटसललाई १–० ले पराजित गर्दै इलाइटले उपाधि जितेको हो।
उपाधिसँगै इलाइटले ७० हजार नगद पुरस्कार प्राप्त गरेको छ । उपविजेता बनेको ढुकुले ३० हजारमा चित्त बुझायो ।
प्रतियोगिताको उत्कृष्ट खेलाडी इलाइटका सन्दीप कार्की र गोलरक्षक ढुकुका नेत्र श्रेष्ठ चुनिए ।
प्रतियोगिताका विजेता खेलाडीहरुलाई उद्योग वाणिज्य महासंघका पूर्व अध्यक्ष खुसकुमार जोशीले पुरस्कृत गरे ।
प्रथम ललितपुर ४ युनिफाइट भरसिटी फुटबल क्लबले आयोजना गरेको प्रतियोगितामा उपत्यकाका ३२ टोलीको सहभागीता रहेको थियो ।
प्रतियोगिता लिगकम नकआउटको आधारमा भएको क्लबका सचिब किशोर केसीले जानकारी गराए ।
