काठमाडौं । भारतको बिहारमा भएको अन्तराष्ट्रिय आसिहारा फुल कन्ट्याक्ट कराते प्रतियोगितामा पदक जित्न सफल नेपाली खेलाडी सम्मानित भएका छन् ।
नेपाल सो क्योकुशिन कराते एसोसियसनले शनिबार पदक विजेता खेलाडीलाई सम्मान गरेको हो । प्रतियोगितामा नेपालबाट १२ खेलाडीले प्रतिस्पर्धा गरेका थिए । प्रतियोगितामा नेपालले ८ स्वर्ण, ३ रजत र १ कांस्य पदक जितेको थियो ।
नेपालबाट महिला खुल्ला तौल समूहमा शिवानी श्रेष्ठले स्वर्ण जितेका थिए । यस्तै पुरुषतर्फ दल बहादुर घले,पेम्बा तामाङ,सरोज खत्री,सर्वधन राई,सुदिप मगर, बिशाल तामाङ र रमित महर्जनले स्वर्ण जितेका थिए ।
यस्तै सनल लामा, सुजन घले र अमृत नगरकोटीले रजत जित्दा विवेक राईले कास्य जितेका थिए ।
प्रतियोगितामा नेपाल,भारत, दुबई र इरानका खेलाडीले प्रतिस्पर्धा गरेका थिए ।
