एरिका प्रिमियर लिगको फाइनलमा

काठमाडौं। करातेकी ऐतिहासिक पदक विजेता एरिका गुरुङ डब्लुकेएफ कराते वान प्रिमियर लिगको फाइनलमा प्रवेश गरेकी छन्।

चीनको लेसनमा जारी प्रतियोगिताको सेमिफाइनलमा इटलीकी खेलाडी फेराकुटी क्लियोलाई पराजित गर्दै एरिक स्वर्णनजिक पुगेकी हुन्। उनले ६८ केजीमाथि तौलसमूहमा फेराकुटीलाई ८–३ ले पराजित गरेकी हुन्।

गत जनवरीमा टर्कीको इस्तानुबलमा भएको प्रिमियर लिगमा एरिकाले ऐतिहासिक रजत पदक जितेकी थिइन्। प्रिमियर लिग वर्षमा ४ पटक हुन्छ। उनी उक्त प्रतियोगिता काजकिस्तानकी सोफिया बर्लुतशोभासँग पराजित भएकी थिइन्। उनी सोफियासँग यसपल्ट पनि एरिकाले फाइनलमा प्रतिस्पर्धा गर्ने छिन्।

विश्व वरीयतामा एरिका हाल ११औं स्थानमा छिन्। सन् २०२६ को उपलब्धीका आधारमा भने एरिका चौथो वरीयतामा छिन्।