अपराजित समृद्धि गोरिल्लाज फाइनलमा
२०१९ जुन ७, शुक्रबारखेलपाटी संवाददाता
काठमाडौं । समृद्धि गोरिल्लाजले उमेन्स नेपाल बास्केटबल लिगमा लगातार पाँचौ जित निकालेको छ ।
शुक्रबार भएको खेलमा आईएसओ काइटलाई ५४-४४ ले पराजित गर्दै समृद्धिले पाँचौ जित निकालेको हो ।
समृद्धिको जितमा सिर्जना गिरिले १४ स्कोर गरिन् । जितसंगै अपराजित समृद्धि फाइनलमा पुगेको छ । समृद्धिले ५ खेलबाट १० अंक जोडेको छ । आईएसओ काइटको ६ अंक रहेको छ ।
आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
