आईएसओको पहिलो जित

काठमाडौं । आईएसओ काइटले उमेन्स नेपाल बास्केटबल लिगमा पहिलो जित निकालेको छ ।

 

मंगलबार भएको खेलमा साईपल एकेडमीलाई ७२-६३ स्कोरले पराजित गर्दै आईएसओले पहिलो जित दर्ता गरेको हो ।

 

आईएसओको जितमा विदेशी खेलाडी अल्लाना मे लिमले उत्कृष्ट प्रदर्शन गरिन् । प्लेयर अफ दि म्याच बनेकी उनले २७ स्कोर गरिन् ।

 

जितसंगै आईएसओले ३ खेलबाट ४ अंक जोडेको छ । यसअघि आईएसओले लगातार दुई खेल गुमाएको थियो । साईपलको यो लगातार तेस्रो हार हो ।

 

आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।

 

प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।