काठमाडौं । समृद्धि गोरिल्लाजले उमेन्स नेपाल बास्केटबल लिगमा लगातार चौंथो जित निकालेको छ ।
मंगलबार भएको प्रतिस्पर्धात्मक खेलमा नेपाल पुलिस क्लबलाई ३९-३५ ले पराजित गर्दै समृद्धिले चौंथो जित निकालेको हो ।
अपराजित समृद्धिको जितमा सदिना श्रेष्ठले उत्कृष्ट प्रदर्शन गरिन् । प्लेयर अफ दि म्याच बनेकी सदिनाले ११ स्कोर गरिन् ।
यसअघि पहिलो खेलमा समृद्धिले नेपाल पुलिस क्लब, दोस्रोमा आईएसओ काइट र तेस्रो खेलमा साइपाल बास्केटबल क्लबलाई पराजित गरेको थियो ।
जितसंगै समृद्धिले ४ खेलबाट ८ अंक जोडेको छ । दोस्रो हार व्यहोरेको पुलिसको ६ अंक रहेको छ ।
आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
