समृद्धि गोरिल्लाजको तेस्रो जित

काठमाडौं । समृद्धि गोरिल्लाजले उमेन्स नेपाल बास्केटबल लिगमा लगातार तेस्रो जित निकालेको छ ।

 

सोमबार भएको खेलमा साइपाल बास्केटबल टिमलाई ४०-२२ ले पराजित गर्दै समृद्धिले तेस्रो जित निकालेको हो ।

 

यसअघि पहिलो खेलमा समृद्धिले नेपाल पुलिस क्लब र आईएसओ काइटलाई पराजित गरेको थियो ।

 

समृद्धिको जितमा एलिना गुरुङले उत्कृष्ट प्रदर्शन गरिन् ।  प्लेयर अफ दि म्याच बनेकी एलिनाले १२ स्कोर गरिन् ।

 

जितसंगै समृद्धिले ३ खेलबाट ६ अंक जोडेको छ ।

 

आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।

 

प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।