केभीकेएसएस बास्केटबलमा निम्सलाई उपाधि

काठमाडौं । निम्सको छात्र तथा छात्रा दुवै टिमले तेश्रो केभीकेएसएस अन्तरविद्यालय बास्केटबल प्रतियोगिताको उपाधि जितेका छन् ।

सोमबार भएको फाईनलमा छात्र तर्फ निम्सले मोष्ट भ्यालुएबल खेलाडी राजन डङ्गोलको १४ अंकको सहयोगमा टिआईएलाई ५५ – ५१ को झिनो अन्तरले पराजित गर्दै उपाधी उचालेको हो ।

यस्तै छात्रा तर्फ पनि निम्सले मोष्ट भ्यालुएबल खेलाडी डोल्मा तामाङ्गको १५ अंक मद्धतमा भ्याली पब्लिकलाई ३५ – २४ अंकले पराजित गर्दै उपाधी हात पारेको हो ।

बिजयी टिम तथा खेलाडीहरुलाई आयोजक काठमाण्डौ ज्ञानकुञ्ज, टोखाका अध्यक्ष रोहित माथेले मेडल, ट्रफी र प्रमाण पत्र प्रदान गरेका थिए ।