काठमाडौं । रोयल बास्केटबल क्लबले क्विक्स नेपाल बास्केटबल लिगमा जित निकालेको छ ।
आइतबार भएको खेलमा रोयलले साउथ साइडर्स बास्केटबल क्लबलाई ८५-७४ स्कोरले पराजित गर्यो ।
रोयलको जितमा निकेश मगरले उत्कृष्ट प्रदर्शन गरे । प्लेयर अफ दि म्याच बनेका उनले २३ स्कोर गरे ।
जितसंगै रोयलले १३ खेलबाट १७ अंक जोडेको छ । साउथको १५ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
