काठमाडौं । विभागीय टोली नेपाल पुलिस क्लबले उमेस नेपाल बास्केटबल लिगमा पहिलो जित निकालेको छ ।
आइतबार भएको खेलमा साइपल एकेडमीलाई पराजित गर्दै पुलिसले पहिलो जित निकालेको हो । पुलिसले साइपलमाथि ७७-४५ अंकले पराजित गर्यो । यसअघि पुलिस पहिलो खेलमा समृद्धि गोरिल्लाजसंग पराजित भएको थियो ।
पुलिसको जितमा समिक्षा न्यौपानेले उत्कृष्ट प्रदर्शन गरिन् । प्लेयर अफ दि म्याच बनेकी समिक्षाले १२ स्कोर गरिन् ।
जितसंगै पुलिसले २ खेलबाट ३ अंक जोडेको छ ।
आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।
महिलाको सर्वाधिक ठुलो बास्केटबल प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
