आर्मीद्वारा रोयल पराजित

काठमाडौं । विभागीय टिम त्रिभुवन आर्मी क्लबले क्विक्स नेपाल बास्केटबल लिगमा १२ औं जित निकालेको छ ।

शनिबार भएको खेलमा आर्मीले रोयल बास्केटबल क्लबलाई ९७-८५ स्कोरले पराजित गर्यो ।

आर्मीको जितमा रोबिन खत्रीले उत्कृष्ट प्रदर्शन गरे । प्लेयर अफ दि म्याच बनेका उनले ३३ स्कोर गरे ।

जितसंगै आर्मीले १३ खेलबाट २५ अंक जोडेको छ । रोयलको १३ अंक रहेको छ । 

लिगको प्ले अफमा पुगिसकेको आर्मीले अब एक खेल खेल्न बाँकी रहेको छ ।

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।