गोल्डेनगेटद्वारा किर्तिपुर पराजित

काठमाडौं । गोल्डेनगेट इन्टरनेसनल बास्केटबल क्लबले क्विक्स नेपाल बास्केटबल लिगमा सातौं जित दर्ता गरेको छ ।

 

बुधबार भएको खेलमा किर्तिपुर बास्केटबल क्लबलाई ८९-७६ स्कोरले पराजित गर्दै गोल्डेनगेटले सातौं जित निकालेको हो ।

 

गोल्डेनगेटको जितमा अविशेक सिंहले उत्कृष्ट प्रदर्शन गरे । उनी प्लेयर अफ दि म्याच बने ।

 

जितसंगै गोल्डेनगेटले १३ खेलबाट २० अंक जोडेको छ  । किर्तिपुरको ११ खेलबाट १२ अंक छ ।

 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन्  ।

 

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।