टाइम्समाथि पुलिसको सहज जित

काठमाडौं । विभागीय टिम नेपाल पुलिस क्लबले क्विक्स नेपाल बास्केटबल लिगमा सातौं जित दर्ता गरेको छ ।

 

मंगलबार भएको खेलमा टाइम्स बास्केटबल क्लबलाई ७०-६३ स्कोरले पराजित गर्दै पुलिसले सातौं जित निकालेको हो । 

 

पुलिसको जितमा महमुद आकाशले उत्कृष्ट प्रदर्शन गरे । प्लेयर अफ दि म्याच बनेका उनले २० स्कोर गरे ।

 

जितसंगै पुलिसले १३ खेलबाट २० अंक जोडेको छ ।  टाइम्सको १३ खेलबाट २४ अंक रहेको छ । 

 

लिगको ११ खेलसम्म अपराजित टाइम्सको यो लगातार दोस्रो हार हो । सोमबार भएको खेलमा टाइम्सले त्रिभुवन आर्मीसंग हार व्यहोरेको थियो ।

 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन्  ।

 

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।