गोल्डेनगेटद्वारा साउथ साइडर्स पराजित

काठमाडौं । गोल्डेनगेट इन्टरनेसनल बास्केटबल क्लबले क्विक्स नेपाल बास्केटबल लिगमा छैटौं जित दर्ता गरेको छ ।

 

सोमबार भएको खेलमा साउथ साइडर्स बास्केटबल क्लबलाई १०४-६५ स्कोरले पराजित गर्दै गोल्डेनगेटले छैटौं जित निकालेको हो ।

 

गोल्डेनगेटको जितमा बिनोद श्रेष्ठले उत्कृष्ट प्रदर्शन गरे । प्लेयर अफ दि म्याच बनेका उनले २१ स्कोर जोडे ।

 

जितसंगै गोल्डेनगेटले १२ खेलबाट १८ अंक जोडेको छ  । साउथ साइडर्सको ११ खेलबाट १२ अंक छ ।

 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन्  ।

 

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।