पुलिसमाथि बुढानिलकण्ठको रोमान्चक जित

काठमाडौं । बुढानिलकण्ठ बास्केटबल क्लबले क्विक्स नेपाल बास्केटबल लिगमा रोमान्चक जित हात पारेको छ ।

आइतबार भएको खेलमा बुढानिलकण्ठले नेपाल पुलिस क्लबलाई ७८-७६ अंकले पराजित गरेको हो । बुढानिलकण्ठको यो सातौं जित हो । 

यस्तै बुढानिलकण्ठले पुलिसमाथि लगातार दोस्रो जित निकाल्न सफल भयो । शनिबार बुढानिलकण्ठले पुलिसलाई उसैको मैदानमा हराएको थियो । 

यो जितसंगै बुढानिलकण्ठले १३ खेलमा २० अंक जोडेको छ । पुलिसको १८ अंक रहेको छ । 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।