काठमाडौं । टाइम्स बास्केटबल क्लबले क्विक्स नेपाल बास्केटबल लिगमा अपराजित यात्रा कायम राखेको छ ।
शनिबार भएको खेलमा रोयल बास्केटबल क्लबलाई ८४-६९ स्कोरले पराजित गर्दै टाइम्सले पराजित यात्रा कायम राखेको हो ।
टाइम्सको जितमा प्रनित उदुमलागालाले उत्कृष्ट प्रदर्शन गरे । प्लेयर अफ दि म्याच बनेका उनले १६ स्कोर गरे ।
यो जितसंगै टाइम्सले ११ खेलमा ११ औं जित निकालेको छ । लिगमा टाइम्स एक्लो अपराजित टिम हो । जितपछि टाइम्सले २२ अंक जोडेको छ । सातौं हार व्यहोरेको रोयलको मात्र १० अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
