काठमाडौं । विभागीय टिम नेपाल पुलिस क्लबले क्विक्स नेपाल बास्केटबल लिगमा छैटौं जित दर्ता गरेको छ ।
शुक्रबार भएको खेलमा किर्तिपुर बास्केटबल क्लबलाई ८४-६० स्कोरले पराजित गर्दै पुलिसले छैटौं जित निकालेको हो ।
पुलिसको जितमा विकास गुरुङले उत्कृष्ट प्रदर्शन गरे । प्लेयर अफ दि म्याच बनेका उनले २२ स्कोर गरे ।
जितसंगै पुलिसले १० खेलबाट १६ अंक जोडेको छ । किर्तिपुरको १० खेलबाट १२ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
