काठमाडौं । विभागीय टिम नेपाल पुलिस क्लबले क्विक्स नेपाल बास्केटबल लिगमा पाँचौ जित दर्ता गरेको छ ।
बिहिबार भएको खेलमा पुलिसले गोल्डेनगेट इन्टरनेसनल बास्केटबल क्लबलाई ९६-८२ स्कोरले पराजित गर्दै पुलिसले पाँचौ जित निकालेको हो ।
पुलिसको जितमा विमल जंग कार्कीले उत्कृष्ट प्रदर्शन गरे । प्लेयर अफ दि म्याच बनेका उनले २७ स्कोर गरे ।
जितसंगै पुलिसले ९ खेलबाट १४ अंक जोडेको छ । गोल्डेनगेटको ११ खेलबाट १५ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
