काठमाडौं । टाइम्स बास्केटबल क्लबले क्विक्स नेपाल बास्केटबल लिगमा अपराजित यात्रा कायम राखेको छ ।
बुधबार भएको खेलमा किर्तिपुर बास्केटबल क्लबलाई ९१-७७ स्कोरले पराजित गर्दै टाइम्सले पराजित यात्रा कायम राखेको हो ।
टाइम्सको जितमा प्रनित उदुमलागालाले उत्कृष्ट प्रदर्शन गरे । प्लेयर अफ दि म्याच बनेका उनले २४ स्कोर गरे ।
जितसंगै टाइम्सले १० खेलबाट १० जितसहित २० अंक जोडेको छ । किर्तिपुरको ११ अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
