काठमाडौं । विभागीय टिम नेपाल पुलिस क्लबले क्विक्स नेपाल बास्केटबल लिगमा चौंथो जित दर्ता गरेको छ ।
मंगलबार भएको खेलमा साउथ साइडर्स बास्केटबल क्लबलाई ७४-६३ स्कोरले पराजित गर्दै पुलिसले चौंथो जित निकालेको हो ।
पुलिसको जितमा जासङ सुनुवारले उत्कृष्ट प्रदर्शन गरे । प्लेयर अफ दि म्याच बनेका उनले १४ स्कोर गरे ।
जितसंगै पुलिसले ८ खेलबाट १२ अंक जोडेको छ । साउथ साइडर्सको ९ खेलबाट १० अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
