काठमाडौं । गोल्डेनगेट इन्टरनेसनल बास्केटबल क्लबले क्विक्स नेपाल बास्केटबल लिगमा पाँचौ जित दर्ता गरेको छ ।
आइतबार भएको खेलमा साउथ साइडर्स बास्केटबल क्लबलाई ८३-६२ स्कोरले पराजित गर्दै गोल्डेनगेटले पाँचौ जित निकालेको हो ।
गोल्डेनगेटको जितमा बिक्रम डंगोलले उत्कृष्ट प्रदर्शन गरे । प्लेयर अफ दि म्याच बनेका उनले २३ स्कोर जोडे ।
जितसंगै गोल्डेनगेटले ८ खेलबाट १३ अंक जोडेको छ । साउथ साइडर्सको ९ अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
