काठमाडौं । बुढानिलकण्ठ नगरपालिका बस्क्तेबल क्लबले क्विक्स नेपाल बास्केटबल लिगमा चौंथो जित दर्ता गरेको छ ।
आइतबार भएको खेलमा रोयल बास्केटबल क्लबलाई ९८-६८ स्कोरले पराजित गर्दै बुढानिलकण्ठले चौंथो जित निकालेको हो ।
बुढानिलकण्ठको जितमा शौरभ श्रेष्ठले उत्कृष्ट प्रदर्शन गरे । प्लेयर अफ दि म्याच बनेका उनले २९ स्कोर जोडे ।
जितसंगै बुढानिलकण्ठले ९ खेलबाट १३ अंक जोडेको छ । छैटौं हार व्यहोरेको रोयलको १० अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
