काठमाडौं । किर्तिपुर बास्केटबल क्लबले क्विक्स नेपाल बास्केटबल लिगमा जित दर्ता गरेको छ ।
शनिबार भएको खेलमा किर्तिपुरले रोयल बास्केटबल क्लबलाई ६३-६१ स्कोरको झिनो अन्तरले पराजित गरेको हो ।
किर्तिपुरको जितमा सागर थापाले उत्कृष्ट प्रदर्शन गरे । प्लेयर अफ दि म्याच बनेका उनले १२ स्कोर जोडे ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
