फुलकन्टयाक्ट कराँते बैशाख २७ मा

काठमाडौं । राष्ट्रिय पुरुष खुल्ला तथा १३ औ राष्ट्रिय महिला तौल समुह फुलकन्टयाक्ट कराँते प्रतियोगिताको २० औ संस्करण बैशाख २७ सुरु हुने भएको छ ।

नेपाल क्योकुशिन कराते डो संघले आयोजना गर्ने प्रतियोगिता दुई दिनसम्म काठमाडौको दशरथ रंगशालास्थित मिनि कभर्ड हलमा सञ्चालन हुनेछ ।

मंगलबार काठमाडौंमा पत्रकारसम्मेलन गर्दै प्रतियोगिताको सम्पुर्ण तयारी पुरा भएको जानकारी गराईएको छ ।

सात प्रदेशबाट प्रतिनिधित्व हुने प्रतियोगितामा पुरुषतर्फ ८५ र महिलातर्फ ३८ खेलाडीले प्रतिस्पर्धा गर्नेछन् ।

प्रतियोगिताको विभिन्न स्पर्धाका विजेतालाई नगद सहितको पुरस्कारको व्यवस्था गरिएको आयोजकले जनाएको छ ।

पुरुषतर्फ प्रथाम हुनेलाई ३० हजार, दोस्रो १५, तेस्रो ७ हजार ५ सय र चौथो हुनेलाई ३ हजार ५ सय रुपैयाँको व्यवस्था गरिएको छ ।

महिला स्पर्धाको पहिलो हुनेले १० हजार, दोस्रोले ५ हजार, तेस्रोले २५ सय र चौथोले १ हजार प्राप्त गर्नेछ ।

प्रतियोगिता आयोजना गर्न करिब १२ लाख खर्च हुने अनुमान गरिएको प्रतियोगिता आयोजक समितिका संयोजक पुष्प मानन्धरले बताए ।

उनले प्रदेशबाट छनोट भएर आउने खेलाडीले काठमाडौंमा हुने प्रतियोगितामा प्रतिस्पर्धा गर्ने जानकारी दिए ।