काठमाडौं । बंगलादेशमा जारी फिबा एसिया कप २०२१ को साबा प्रि-क्वालिफायर प्रतियोगितामा नेपालले लगातार तेस्रो हार बेहोरेको छ । बिहिबार भएको खेलमा श्रीलंकासंग पराजित हुँदै नेपालले तेस्रो हार बेहोरेको हो ।
बंगलादेशको ढाकामा भएको खेलमा नेपाल श्रीलंकासंग ७० – ५७ अंकले पराजित भयो । यो हारसंगै नेपालको शीर्ष दुईमा रहदै डिभिजन टु्मा छनोट हुने सम्भावना सकिएको छ । अब नेपालले शुक्रबार आयोजक बंगलादेशसंग खेल्ने छ । यसअघि नेपाल पहिलो खेलमा माल्दिभ्स र दोस्रो खेलमा भुटानसंग पराजित भएको थियो ।
प्रतियोगितामा नेपाल सहित बंगलादेश, श्रीलंका, भु्टान र माल्दिभ्सले सहभागिता जनाएका छन् । प्रतियोगितामा शीर्ष दुईमा पर्ने टोली डिभिजन टु्मा छनोट हुनेछ । डिभिजन टुको शीर्ष दुई भित्र पर्ने टोलीले अन्तिम चरणको छनोटमा प्रवेश पाउने छ ।
