काठमाडौं । बंगलादेशमा जारी फिबा एसिया कप २०२१ को साबा प्रि-क्वालिफायर प्रतियोगिताको तेस्रो खेलमा नेपालले अहिले श्रीलंकासंग खेल्दै छ ।
बंगलादेशको ढाकामा जारी खेलमा नेपाल पहिलो जितको खोजीमा हुनेछ । नेपाल यसअघि पहिलो खेलमा माल्दिभ्स र दोस्रो खेलमा भुटानसंग पराजित भइसकेका छन् ।
दुई हारसंगै नेपालको शीर्ष दुईमा पुग्ने सम्भावना कमजोर बनेको छ ।
प्रतियोगितामा नेपाल सहित बंगलादेश, श्रीलंका, भु्टान र माल्दिभ्सले सहभागिता जनाएका छन् । प्रतियोगितामा शीर्ष दुईमा पर्ने टोली डिभिजन टु्मा छनोट हुनेछ । डिभिजन टुको शीर्ष दुई भित्र पर्ने टोलीले अन्तिम चरणको छनोटमा प्रवेश पाउने छ ।
