काठमाडौं । आठौं राष्ट्रिय खेलकुदका लागि प्रदेश ३ बाट स्क्वास खेलाडी छनोट भएका छन् ।
प्रदेश पाँचमा आयोजना हुने प्रतियोगिताको लागि समान ४–४ पुरुष र महिला गरी ८ खेलाडी छनोट भएको प्रदेश ३ खेलकुद परिषद्का कार्यालय प्रमुख लीलाराम बस्नेतले जानकारी गराए ।
पुरुषमा काठमाडौंका प्रवीणवीरसिंह कंशाकार, ललितपुरका राजेन्द्र शाक्य, काभ्रेका अमिर ब्लोन र ललितपुरका विनोदरत्न शाक्य रहेका छन् ।
महिलामा रामेछापकी भावना सुनुवार, काभ्रेकी विपना ब्लोन, ललितपुरकी स्वस्थानी श्रेष्ठ र रामेछापकी मन्जिला मगर छन् ।
