काठमाडौं। तेस्रो एनएसआरए अन्तर क्लब अन्तर्राष्ट्रिय स्क्वास च्याम्पियन्सीप २०२४ मा शुक्रबार पुरुषतर्फ गण्डकी टिम ए र बी तथा टिम बङ्गला बी र सी ले जित हात पारेका छन्।
सातदोबाटोस्थित नेपाल स्क्वास र्याकेट्स संघको स्क्वास कोर्टमा भएको प्रतियोगितामा गण्डकीले ब्रिटिस टिम बीलाई ३–० ले हरायो। गण्डकीका अभावन श्रेष्ठले पंकजलाई ११–२, ११–५ र ११–४ तथा नवराज श्रेष्ठले लि रोकीलाई ११–२, ११–७ र ११–१ ले हराए। राजु श्रेष्ठले वाकओभर पाए। एनएसआरए मास्टरले वाकओभर दिएपछि गण्डकी बी ३–० ले विजयी भयो।
यसैगरी टिम बङ्गला बीले टिम पाकिस्तानलाई ३–० ले पराजित गर्यो। मोहम्मद अमिनुल इस्लामले गुहलाम अलीलाई ११–२, ११–५, ११–४, मोहम्मद साइमुन इस्लामले रोहन नेपालीलई ११–६, १४–१२ र ११–३ तथा सोइकोट वानले अजाज अलीलाई ११–२, ११–७ र ११–६ ले हराए। यसैगरी बङ्गला सीले पनि टिम जुजुबाट वाकओभर पाएको थियो।
यसैगरी बिहिबार साँझ भएको महिला टिम इभेन्टमा एनएसआरए नेसनल टिमले कर्णालीलाई तीनै खेलमा हरायो। स्वास्थानी श्रेष्ठले अर्पणा प्रजालाई ११–६, ११–५ र ११–३, विपना ब्लोनले प्रतिक्षा प्रजालाई ११–१, ११–४ ११–४ तथा कृष्णा थापाले भगवती जिसीलाई ११–१, ११–१ र ११–१ ले पराजित गरे। एनएस्आरए लेडिजले बङगला लेडिजलाई पनि ३–० ले हरायो। स्वस्थानीले मार्जेन मोनिकालाई ११–३, ११–३ र ११–६, विपनाले चाडीलाई ११–१, ११–४ र ११–४ तथा कृष्णाले नबिला तबसुमलाई ११–२, ११–३ र ११–३ ले निराश पारे।
अन्य खेलमा एनएसआरए जुनियर लेडिज र गण्डकी लेडिजले कोशी लेडिजलाई समान ३–० ले हराए। एनएसआरए जुनियरकी साक्षी सुनुवारले सन्जिला राईलाई ११–१, ११–३, ११–६, रनासा महर्जनले लक्ष्मी तामाङलाई ११–३, ११–१, ११–३ र रचना प्रजाले यङगला लामा शेर्पालाई ११–०, ११–१ र ११–३ ले हराए। यसैगरी गण्डकीकी श्रितिका उडासले सन्जिलालाई ११–४, ११–२ र ११–८, समीक्षा खाडले लक्ष्मीलाई ९–११, ११–८, ११–५, ७–११ र ११–८ तथा निस्ता श्रेष्ठले यङगलालाई ७–११, ११–५, ११–९, ८–११ र ११–९ ले पराजित गरे।
