पहिलो जितको खोजिमा नेपाल

काठमाडौं। नेपाल ‘ए’ टोलीले अस्ट्रेलियामा जारी टप एन्ड टी–२० सिरिज अन्तर्गत सोमबार होबार्ट हुरिकेन्स एकेडेमीको सामना गर्दैछ।

खेल डार्विनस्थित मरारा क्रिकेट ग्राउन्डमा दिउँसो ३:१५ बजे सुरु हुनेछ।

नेपाल र होबार्ट हुरिकेन्सले प्रतियोगितामा हालसम्म दुई–दुई खेल खेलेका छन्। दुवै टोलीले आफ्ना दुवै खेल गुमाएका कारण अंकतालिकामा अंकविहीन छन्। यो खेल दुवै टोलीका लागि प्रतियोगितामा पहिलो जित हासिल गर्दै अंकतालिकामा खाता खोल्ने महत्त्वपूर्ण अवसर हुनेछ।

यी दुई टोलीबीच पछिल्लो पटक १९ अगस्ट २०२५ मा भेट भएको थियो। टप एन्ड टी–२० सिरिज अन्तर्गतकै उक्त खेलमा नेपालले होबार्ट हुरिकेन्सलाई ६६ रनले पराजित गरेको थियो।