काठमाडौं । बंगलादेशमा मंगलबारबाट सुरु भएको फिबा एसिया कप २०२१ को साबा प्रि क्वालिफायर प्रतियोगिताको पहिलो खेलमा नेपाल पराजित भएको छ ।
बंगलादेशको ढाकामा मंगलबार भएको पहिलो खेलमा नेपाल माल्दिभ्ससंग पराजित भएको हो । नेपाललाई माल्दिभ्सले ६३ - ६० को स्कोरले हराएको हो । अब नेपालले बुधबार भुटानसँग खेल्ने छन् ।
प्रतियोगितामा नेपाल सहित बंगलादेश, श्रीलंका, भु्टान र माल्दिभ्सले सहभागिता जनाएका छन् । प्रतियोगितामा शीर्ष दुईमा पर्ने टोली डिभिजन टु्मा छनोट हुनेछ । डिभिजन टुको शीर्ष दुई भित्र पर्ने टोलीले अन्तिम चरणको छनोटमा प्रवेश पाउने छ ।
