शेर चम्किएपनि नेपाललाई चुनौतीपूर्ण लक्ष्य

काठमाडौं। अन्शुमान रथ र शाहिद वासिफको ८४ रनको विशाल साझेदारीसँगै हङकङले एसियन गेम्स छनोटमा नेपाललाई १८९ रनको चुनौतीपूर्ण लक्ष्य दिएको छ।

टस हारेर पहिला ब्याटिङ थालेको हङकङले निर्धारित २० ओभरमा ७ विकेट गुमाउँदै १८८ रन बनाएको हो।

हङकङका ओपनर अन्शुमानले सर्वाधिक ८० रन बनाए। ४५ बल खेलेका उनले ६ चौका र ६ छक्का प्रहार गरे। वासिफले भने २८ बलमा ७ चौका र ३ छक्कासहित ५५ रनको आक्रामक इनिङ्स खेले।

शिव माथुर २६ रनमा आउट हुँदा अन्य ब्याटर चल्न सकेनन्। नेपालका शेर मल्लले सर्वाधिक ४ विकेट लिए।

४ ओभर बलिङ गरेका उनले ३२ रन खर्चिए। करण केसीले २ विकेट लिँदा सन्दीपले १ विकेट राखे।