अपराजित नेपाल

काठमाडौं। नेपाल अपराजित रहँदै एसियन गेम्सको छनोटको सेमिफाइनलमा प्रवेश गरेको छ।

बिहीबार सम्पन्न समूह ‘ए’को अन्तिम खेलमा नेपालले मलेसियालाई १६७ रनले हराएको हो। योसँगै नेपालले २ खेलमा ४ अंक जोड्यो। यसअघि नेपालले चीनलाई २२१ रनले पराजित गरेको थियो।

मलेसिया पनि सेमिफाइनलमा पुगिसकेको छ। अब नेपालले हङकङ र ओमानबीचको विजेतासँग खेल्नेछ। नेपालले दिएको २७६ को विशाल लक्ष्य पछ्याएको मलेसिया निर्धारित २० ओभरमा ९ विकेट गुमाउँदै १०८ रनमा समेटियो।

मलेसियाका कप्तान सैयद अजिजले सर्वाधिक ५४ रन बनाए। ४५ बल खेलेका उनले ६ चौका र २ छक्का प्रहार गरे। शर्विन मुनियान्डी १८ र मुहम्मद हाजिक आइमान १३ रनमा आउट भइए।

नेपालका शेर मल्लले सर्वाधिक ३ विकेट लिए।