पोखरामा अलपत्र परे भलिबल खेलाडी

काठमाडौं। पोखरामा जारी एभरेस्ट महिला भलिबल लिगको दोस्रो संस्करणका बाँकी खेल स्थगित भएसँगै खेलाडी अलपत्रमा परेका छन्।

जेनजी आन्दोलनका कारण देशमा प्रतिकूल अवस्था सिर्जना भएपछि आयोजक इन्फिनिटी ड्रिम्स प्रालिले बुधबारदेखि लिगका बाँकी सबै खेल स्थगित गरिएको जानकारी दिएको थियो।

यसअघि आयोजक इन्फिनिटी ड्रिम्स प्रालिले मंगलबारका दुई खेल स्थगित गरेको जानकारी दिएको थियो। लिगमा सोमबारसम्म ९ वटा खेल सम्पन्न भएका थिए।