कोर्स रेकर्डसहित शुक्रलाई उपाधि

काठमाडौं। पूर्व नम्बर एक गल्फर शुक्रबहादुर राईले सातौं प्रतियोगिता सूर्य नेपाल च्यालेन्जको उपाधि कोर्स रेकर्डसहित जितेका छन्।

समग्रमा १७-अन्डर २५५ को प्रभावशाली स्कोरमा शुक्रले नीरज तामाङलाई ४ स्ट्रोकले हराउँदै उपाधि आफ्नो नाममा लेखाए। शुक्रले एमेच्योर खेलाडी सदभाव आचार्यको नाममा रहे को १५-अन्डर ५७ को रेकर्ड तोडे। सदभावले यही सिजन सूर्य नेपाल काठमाडौं ओपनमा सो रेकर्ड बनाएका थिए।

अन्तिम दिन ६-अन्डर ६२ को स्कोर बनाएका शुक्रले उपाधिसँगै नगद १ लाख१० हजार प्राप्त गरे। उनको यो करियरको एघारौं उपाधि हो।