काठमाडौं । इन्टर हस्पिटल फुटसल च्याम्पियनसिप पुस ५ गते आयोजना हुने भएको छ । महिला स्वास्थ्य डट कमले हरेक वर्ष आयोजना गर्ने इन्टर हस्पिटल फुटसल चैतको पहिलो साता आयोजना हुने भएको हो ।
'खेल खेलौं, स्वास्थ बनौं' भन्ने नाराका साथ हुने प्रतियोगिता दुर्ई दिनसम्म धन्वन्तरी फुटसलमा चल्नेछ ।
प्रतियोगितामा उपत्यकाका २४ सरकारी तथा नीजि हस्पिटलको सहभागीता रहने महिला स्वास्थ्यका प्रमुख कार्यकारी अधिकृत बसन्तराज शर्माले बताए । सहभागी टिमलाई चार समूहमा विभाजन गरेर प्रतियोगिता लिग कम नकआउटका आधारमा सञ्चालन हुनेछ ।
प्रतियोगिताको विजेताले नगद सहित ट्रफी, मेडल र प्रमाणपत्र प्राप्त गर्ने आयोजकले जनाएको छ । यस फुटसल प्रतियोगितालाई यतिकेम ग्रुप र नेपाल औषधि उत्पादक संघ र नेपाल आयल निगमले सघाएका छन् ।
स्वास्थ्य क्षेत्रमा काम गर्ने संस्थालाई फुटसल खेलको माध्यमबाट मैत्रीपूर्ण सम्बन्ध विस्तार गर्न महिला स्वास्थ्य डट कमले हरेक वर्ष यो कार्यक्रम सञ्चालन गर्दै आएको छ ।
