धरान। तेस्रो धरान मेघा यु–१८ रेवाहाङ मेमोरियल बास्केटबल प्रतियोगितामा १४ टिमले सहभागिता जनाउने भएका छन्।
धरान मेघा हिमालयन कलेजको आयोजनामा प्रतियोगिता पुस १ गतेदेखि हुन लागेको हो। प्रतियोगितामा आयोजक धरान मेघा कलेज ‘ए’ , ‘बी’, डिपो स्कुल ‘ए’, ‘बी’, टावर टेम्पल इङ्गिलस स्कुल झापा, युनाइटेड गोर्खा, होलिल्यान्ड इन्टरनेसनल, सियोन स्कुल, काम्रेल स्कुल, विजयपुर स्कुल, धरान आर्दश स्कुल, सुनाखरी स्कुल, एम्स एकेडेमी र चिल्ड्रेन स्कुल छन्।
प्रतियोगिताको उद्घाटन खेल धरान आर्दश स्कुल र सुनाखरी स्कुलबीच हुनेछ । विजेता टिमले २५ हजार, उपविजेताले १२ हजार ५ सय प्राप्त गर्नेछ।
