करातेका पदकविजेता खेलाडी र प्रशिक्षक सम्मानित

काठमाडौं। सुस्मिता फाउन्डेसन र च्याम्पियन मार्सल आर्ट एकेडेमीले भुटानमा सम्पन्न आठौं दक्षिण एसियाली कराते च्याम्पियनसिपमा विजेता खेलाडीसहित प्रशिक्षकहरूलाई सम्मान गरेको छ।

शनिबार च्याम्पियनसिपमा स्वर्ण विजेता मीनबहादुर तामाङ र प्रशिक्षकहरू कुशल श्रेष्ठ, दीपक श्रेष्ठ, मन्डेकाजी श्रेष्ठ, श्याम सुनुवार र महेश महर्जनलाई सम्मान गरेको हो ।

मीनबहादुरले उक्त च्याम्पियनसिपमा पुरुष ६० केजी तौलसमूहमा स्वर्ण जितेका थिए । सम्मान कार्यक्रममा बागमती प्रदेशका मुख्यमन्त्री बहादुर सिंह लामाले खेलाडीलाई एक लाख एक सय रुपैयाँसहित सम्मानपत्र प्रदान गरे ।

सोही अवसरमा खेलाडी अनिल बराम, फुटबल खेलाडी रिहान बुढालाई पनि सम्मानित गरिएको थियो ।