वादरियो कराँते : शुभम र बर्षालाई स्वर्ण

रुपन्देही । दोस्रो गौतम बुद्ध वादरियो अन्तराष्ट्रिय खुल्ला कराँते प्रतियोगिताको खुल्ला तौल समूहमा शुभम कँडेल र वर्षा क्षेत्रीले स्वर्ण जितेका छन् । 

शनिबार रुपन्देहीमा सम्पन्न प्रतियोगितामा पुरुषतर्फ शुभम र महिला स्पर्धामा वर्षाले खुल्ला तौल समूहमा स्वर्ण जितेका हुन् ।

पुरुष स्पर्धामा भारतका मोहम्मद तौफिक इस्लामले रजत तथा शुभम पौडेल र प्रदीप चौधरीले कास्य पदक जिते । महिला स्पर्धामा भारतका श्रेया नक्सारले रजत तथा सौमी डे र रिस्ता हल्दारले कास्य पदक प्राप्त गरे ।

पुरुष ३० केजीमा सोइजन पौडेलले स्वर्ण, सुशान खड्काले रजत तथा उदीप पासवान र दिवस ज्ञवालीले कास्य पदक जिते । ३५ केजीमा प्रकाश सारुले स्वर्ण, समिर कुँवरले रजत तथा सुजिन तामाङ र दिवस ज्ञवालीले कास्य पदक हात पारे । ४० केजीमा यज्ञ काफ्ले स्वर्ण, फिलेमान सुर्यवंशीले रजत तथा रुपक दास र करन कुमारले कास्य पदक हात पारे । 

४५ केजीमा किबिन पुनले स्वर्ण, बिशन थापाले रजत तथा इनाय लसकड र विराज मजुमदरले कास्य पदक जितेका छन् । ५० केजीमा ओम बहादुर बिकले स्वर्ण पदक जित्दा समिर धोज मल्लले रजत तथा अग्नि मिस्त्री र राजेश हल्दारले कास्य पदक प्राप्त गरे । 

५५ केजीमा एलेक्स गुरुङले स्वर्ण र रिसब थापाले रजत पदक प्राप्त गरे । सोही स्पर्धामा रैसिक उद्धिन र तस्बिन मुलाले कास्य पदक हात पारे । ६० केजी तौल समूहमा दुर्गाबुढा मगरले स्वर्ण, एसएम वशिम इकबालले रजत पदक हात पारे । बिहाल सारुले कास्य पदक हात पारेका छन् । 

महिलाको ३० केजी स्पर्धामा सन्ध्या योगीले स्वर्ण, संजली शर्माले रजत तथा प्रश्ना थापा र जियाषा भण्डारीले कास्य पदक हात पारेका छन् । ३५ केजी तौल समूहमा अनु अर्यालले स्वर्ण, श्रेया थापाले रजत तथा सुशियान गुरुङ र अपेक्षा श्रेष्ठले कास्य पदक हात पारेका छन् । 

४० केजी तौल समूहमा ममता सुनारले स्वर्ण, पलक गुप्ताले रजत तथा मेलिका रिजालले कास्य पदक हात पारेका छन् । ४५ केजी तौल समूहमा मन्जिता रानाले स्वर्ण, एन्जेल गैरेले रजत पदक हात पारेका छन् । रेजिना थापा र कृति शाहले कास्य पदक हात पारेका छन् । 

५० केजी तौल समूहमा पिंकी गाजीले स्वर्ण, अन्सिका पाण्डेले रजत तथा हिमाकुमारी चौधरी र अम्बिका पुनले कास्य पदक हात पारेका छन् । 

देवदह कराँते डो एकेडेमीको आयोजनामा रुपन्देहीको खैरेनीमा सञ्चालन भएको प्रतियोगिताको प्रमुख आतिथ्यता नेपाल वादरियो कराँते डो संघका अयक्ष हरिशरण केसीले गरेका थिए । लुम्बिनी प्रदेश खेलकुद परिषदले प्रतियोगितालाई मुख्य प्रबर्द्धकको रुपमा सहयोग गरेको हो ।

विजेता खेलाडीलाई लुम्बिनी प्रदेश खेलकुद परिषद्का सदस्य सचिवव जयप्रकाश भट्टराई लगायतले पुरस्कृत गरेका थिए ।