काठमाडौं । तेस्रो कृष्णप्रसाद भट्टराई स्मृति राष्ट्रिय कराते प्रतियोगिताको दोस्रो दिन नेपाल पुलिस क्लब र नेपाल एपिएफ क्लबले ३-३ स्वर्ण तथा बागमती प्रदेशले २ स्वर्ण जितेका छन् ।
प्रतियोगितामा पुलिसले कुल ८, एपिएफले ३ र बागमतीले २ स्वर्ण पदक जितेका छन् ।
१० टोलीको सहभागिता रहेको प्रतियोगितामा ७ टोलीले अहिलेसम्म स्वर्ण पदक जित्न सकेका छैनन् । १७ मध्ये १३ वटा इभेन्ट्सको पदकको टुंगो लागिसकेको छ ।
एपिएफलाई दिनको अन्तिम दुई इभेन्टमा मोहमद सेखु आलम र रमिता माझीले स्वर्ण दिलाए । सातदोबाटोस्थिति कराते हलमा जारी प्रतियोगिताको दोस्रो दिन शुक्रबार सेखुले पुलिसका सज्वल बुढाथोकीलाई १०-२ ले हराए । सेखुले आर्मीका सुरेश जफ्रेललाई तथा सज्वलले गण्डकीका विशाल थापालाई पराजित गरेका थिए ।
एपिएफलाई दोस्रो स्वर्ण पदक रमिता माझीले दिलाइन् । सातदोबाटो स्थिति कराते हलमा जारी प्रतियोगिताको दोस्रो दिन शुक्रबार नेपाल पुलिस क्लबकी निरुपा दोङलाई ६-१ ले हराउँदै रमिता पहिलो भएकी हुन्।
सो समूहमा कोशीकी विनिता पोखरेल र सुदूरपश्चिमकी पुष्पा मदईले कास्य पदक प्राप्त गरे। सेमिफाइनलमा रमिताले पुष्पालाई र निरुपाले विनितालाई हराएकी थिइन्।
पुलिसका लागि सन्तोष श्रेष्ठले कुमुते ६७ केजीमा स्वर्ण पदक जितेका थिए । फाइनलमा त्रिभुवन आर्मी क्लबका किरण पुनलाई ३-१ ले हराउँदै १९ औं एसियाली खेलकुदमा भाग लिएका सन्तोषले पहिलो स्थान हासिल गरेका थिए।
सो तौल समूहमा कोशीका पर्वत बस्नेत र सुदूरपश्चिमका सन्देश पार्कीले कास्य पदक प्राप्त गरे। सेमिफाइनलमा सन्तोषले पर्वत र किरणले सन्देशलाई पराजित गरेका थिए।
प्रतियोगितामा पुलिसले ८, बागमतीले र एपिएफले समान २ स्वर्ण पदक जितेको छ । १० टोलीको सहभागिता रहेको प्रतियोगितामा ७ टोलीले अहिलेसम्म स्वर्ण पदक जित्न सकेका छैनन् । १७ मध्ये १२ वटा इभेन्ट्सको पदकको टुंगो लागिसकेको छ।
