काठमाडौं । प्रिमियर लिग क्लब म्यानचेस्टर युनाईटेड पछिल्लो केही दिन यता चर्चामा छ । केही दिन यता क्लबको केही सेयरमाथि लिलामी चलेको थियो । धेरै समूहले लामो विरासत बोकेको यस क्लबको सेयर किन्ने विषयमा चासो देखाएका थिए । तर जसले म्यानचेस्टर युनाईटेडको २५ प्रतिशत हिस्सेदारी किनेका छन्, त्यसले धेरैलाई आश्चार्यमा पारेको छ ।
उनी सानैदेखि म्याच यूमा दिल लगाएका बसेका थिए, उनी यस क्लबका ठुला फ्यान हुन् । उनी थिए, ब्रिटिस अर्बपती जिम रेटक्लिफ ।
उनको फुटबल बाहेक फर्मुला वान र साइक्लिङमा समेत बिशेष रुची । अब उनी बाल्यकालको क्लब म्यानचेस्टर युनाईटेडको समेत हिस्सेदारी बनेका छन् ।
आईतबार घोषणा गरिएको छ कि रसायन दिग्गज फर्म आईएनइओएसका संस्थापकले एउटा लामो संघर्षपछि प्रिमियर लिगको ठुलो क्लब म्यान यूको २५ प्रतिशत हिस्सेदारी किनेका छन् । आईएनईओएस यस वर्षको सुरुवातमा युनाईटेडको सेयर किन्ने दौडमा आएको थियो । क्लबका मालिक ग्लेजर परिवारले सबै प्रस्तावहरु सुन्न आफुहरु तयार रहेको बताएका थिए । पछिल्लो वर्ष चेल्सी किन्ने असफल बोली लगाएका रेटक्लिफले लामो समयपछि ओल्डट्राफोर्ड क्लबसँग जोडिएका छन् ।
७१ वर्षका रेटक्लिफसँग खेलका लागि एउटा प्रभावशाली पोर्टफोलियो छ । उनी पहिलेदेखिनै फ्रान्सेली क्लब निस र स्विस टिम एफसी लुसाने स्पोर्टमा हिस्सेदारी छन् । सन् २०१९ मा साइक्लिङ पावरहाउस टिम स्काई उनले लिएपछि टिम आईएनईओएस ग्रेनेडियर्स बनेको थियो । यस टिमले सन् २०१९ मा टूर डी फ्रन्स जितेको थियो । त्यसपछि रेटक्लिफको फर्म आईएनईओएसले मर्सिडिज फर्मुला वान टिमको एक तिहाई हिस्सा किनेको थियो ।
![](https://demo.khelpati.com/uploads/editor/2023-12-26/044203755Sir Jim Ratcliffee.jpg)
रेटक्लिफले म्यानचेस्टर युनाईटेडको हिस्सेदारी पाएका छन्, त्यसपछि उनले एक दशकसम्म खासै उपलब्धि हासिल नगरेको म्यानचेस्टर युनाईटेडलाई फेरी संसारको नम्बर एक टिम बनाउने कुरा बताएका छन् । अझै रेटक्लिफले चाहेको कुरा पाएका छैनन्, क्लबको बहुमत सेयर ग्लेजर्स परिवारसँग थियो ।
ग्लेजर परिवारले सन् २००५ मा म्यानचेस्टर क्लबलाई किनेको थियो । धेरै ऋणका कारण क्लब समर्थकबीच अलोकप्रिय बनेको छ । रेटक्लिफ मान्छन् कि सन् २०१३ मा एलेक्स फग्र्युसनले क्लबलाई २० प्रिमियर लिगको उपाधि जिताएको सफलता पश्चात युनाईटेडलाई युरोपेली क्लब फुटबलको सबैभन्दा शिखरमा लैजान आफुले भुमिका खेल्न सक्छन् ।
रेटक्लिफ बेलायतका सबैभन्दा धनी मध्यका एक हुन् । फोब्र्सका अनुसार उनको कुल सम्पनी २३ बिलियन यूएस डलर छ । उनले १९९८ मा आईएनईओएसको स्थापना गरेका थिए । त्यसपछि उनको कम्पनी बेलायतको सबैभन्दा ठुलो उद्योग बनेको छ ।