काठमाडौं । नेपाल क्रिकेट संघ क्यानले टिकेटिङ पार्टनरको रुपमा आईएमई पेसँग सम्झौता गरेको छ ।
क्यानले दुई वर्षका लागि टिकेटिङ पार्टनरको रुपमा आईएमई डिजिटल सोलुसन लिमिटेडसँग सम्झौता गरेको हो ।
सम्झौता अनुसार क्यानले देशभित्र आयोजना गर्ने राष्ट्रिय तथा अन्तराष्ट्रिय खेलमा टिकेटिङ पार्टनरको रुपमा आईएमई पे हुनेछ । सम्झौताको अवधि दुई वर्षको हुनेछ । क्यानले आयोजना गर्ने खेलहरुको फिजिकल र अनलाईन टिकेटको बिक्रीको जिम्मेवारी आईएमई पेले पाएको छ ।
सम्झौतामा क्यानका सचिव पारस खड्का र आईएमई पेका प्रमुख कार्यकारी अधिकृत प्रवीण रेग्मीले हस्ताक्षर गरेका छन् ।
क्यानका सचिव पारस खड्काले सम्झौताले क्रिकेटको बहुआयामिक विकासमा सहयोग पुग्ने विश्वास ब्यक्त गरे ।
आईएमई पेका सिइओ प्रवीण रेग्मीले आईएमई पेको डिजिटल वित्तीय समावेशीताको महाअभियानलाई खेल तथा खेलाडीसँग जोड्दा अझै प्रभावकारीको रुपमा लागु हुने उल्लेख गरे ।
क्यानमा निर्वाचित भएर आएपछि सचिव खड्काले पहिलो ब्यवसायीक सम्झौताको रुपमा आईएमई पेलाई नेपाली क्रिकेटसँग जोडेका छन् ।
