इ-स्पोर्ट्समा पदकको सम्भवना समाप्त

काठमाडौं । एसियन गेम्समा इस्पोर्ट्सबाट पदकको सम्भावना समाप्त भएको छ ।

शनिबार बिहान पब्जी मोबाइलमा पराजित भएसँगै पदक जित्ने नेपालको आशा समाप्त भएको छ ।

चाइना हाङझाउ इस्पोर्ट्स सेन्टरमा शनिबार भएको समूह ‘ए’ को सेमिफाइनलमा दक्षिण कोरिया र चाइनिज ताइपेईसँग पराजित भएपछि नेपालको पदक सम्भावना सकिएको हो ।

सेमिफाइनलमा नेपाका सुबिनकुमार प्रजापति, दिपेश गुरुङ, साहस भण्डारी र समिर गुरुङले प्रतिस्पर्धा गरेका थिए ।

नेपाल शुक्रबार भएको एलिमिनेसन राउन्डको समूह ‘सी’ मा दोस्रो हुँदै सेमिफाइनलमा प्रवेश गरेको थियो ।

त्यस्तै, झिनो आशा बोकेको डोटामा पनि नेपाल पराजित भएसंगै इ स्पोर्ट्समा नेपालको चुनौती समाप्त भएको छ ।

शनिबार साँझ भएको खेलमा नेपाल किर्गिस्तानसंग २–० ले पछि परेको हो ।